Yeah!
انتهت الاختبارات. الحمد لله عدت على خير وأظن ان اننا حليت كويس فيها !
وامبارح كانت المناقشه بتاعة مشروع التخرج , والحمد لله برضه عدت على خير وأظن ان أنا كنت كويس فيها
وبكدا أنا خلصت خلاص , وأنتظر النتيجه وان شاء الله أنجح وآخد البكالور السنه دي
كنت عامل حسابي ان أنا أنطلق وآخد رااااحه طويله تزيد عن اسبوعين بدون أي تفكير لا في آي تي ولا مستقبل ولا أي حاجه واستجم استجمام مستجم ! لكن برضه لسه مش عارف آخد الخطوه دي مع العلم ان أنا بقالي أكتر بكتير من ثلاث سنين لا غيرت جو ولا رحت مصايف ولا غيرت منظر ولا حاجه من دي ! فانا فعلا لا أذكر آخر مره رحت فيها مصيف أو رحله أو الخ كانت امتى أو كانت فين حتى ؟!
بدأت أشعر في السنوات الأخيره ان نظرية ان الواحد لما ياخد راحه ويستجم كل فتره بتساعده على أداء أعماله بصوره أفضل بأنها نظريه غير صحيحه وبدأت أشك في الاحصائيات التي تدعم ذلك وبدأت أشك في كلام الدكاتره حول المواضيع دي.
أدينا بنجرب ولو انفجرت ولا حاجه في يوم من الأيام هبأه أعلن واصرح بان النظريه بتاعة تغيير الجو دي طلعت صح علشان ماحدش يعمل زيي
// تعديل
أنا كاتب اني امبارح ناقشت مشروع التخرج ! وأنا أقصد بامبارح ده اللي هو يوم 17 , بعد المناقشه روحت نمت وبعدين صحيت وكتبت البوست ده وما خدتش بالي ان احنا كنا لسه في نفس اليوم
// تعديل آخر يوووووه
بس أنا فاكر ان أنا صحيت بعد الساعه 12 بالليل بكتير وبالتأكيد كتبت البوست ده ساعة لما التاريخ بأه 18 يعني كتبته فجر يوم 18 وعلشان كدا لما كنت بشير ليوم المناقشه قلت امبارح ! طيب ازاي Blogger ولا BlogSpot ده قايل ان أنا كتب البوست يوم 17 والساعه 10 وشوية كمان ؟
وامبارح كانت المناقشه بتاعة مشروع التخرج , والحمد لله برضه عدت على خير وأظن ان أنا كنت كويس فيها
وبكدا أنا خلصت خلاص , وأنتظر النتيجه وان شاء الله أنجح وآخد البكالور السنه دي
كنت عامل حسابي ان أنا أنطلق وآخد رااااحه طويله تزيد عن اسبوعين بدون أي تفكير لا في آي تي ولا مستقبل ولا أي حاجه واستجم استجمام مستجم ! لكن برضه لسه مش عارف آخد الخطوه دي مع العلم ان أنا بقالي أكتر بكتير من ثلاث سنين لا غيرت جو ولا رحت مصايف ولا غيرت منظر ولا حاجه من دي ! فانا فعلا لا أذكر آخر مره رحت فيها مصيف أو رحله أو الخ كانت امتى أو كانت فين حتى ؟!
بدأت أشعر في السنوات الأخيره ان نظرية ان الواحد لما ياخد راحه ويستجم كل فتره بتساعده على أداء أعماله بصوره أفضل بأنها نظريه غير صحيحه وبدأت أشك في الاحصائيات التي تدعم ذلك وبدأت أشك في كلام الدكاتره حول المواضيع دي.
أدينا بنجرب ولو انفجرت ولا حاجه في يوم من الأيام هبأه أعلن واصرح بان النظريه بتاعة تغيير الجو دي طلعت صح علشان ماحدش يعمل زيي
// تعديل
أنا كاتب اني امبارح ناقشت مشروع التخرج ! وأنا أقصد بامبارح ده اللي هو يوم 17 , بعد المناقشه روحت نمت وبعدين صحيت وكتبت البوست ده وما خدتش بالي ان احنا كنا لسه في نفس اليوم
// تعديل آخر يوووووه
بس أنا فاكر ان أنا صحيت بعد الساعه 12 بالليل بكتير وبالتأكيد كتبت البوست ده ساعة لما التاريخ بأه 18 يعني كتبته فجر يوم 18 وعلشان كدا لما كنت بشير ليوم المناقشه قلت امبارح ! طيب ازاي Blogger ولا BlogSpot ده قايل ان أنا كتب البوست يوم 17 والساعه 10 وشوية كمان ؟
مش معقول يكون مش عامل حسابه في موضوع الفروق في التوقيت والحاجات دي !
دي حاجه تقرف ! الحياه بأت مليانه غموووض
posted by Moutaz Shams at ١٠:١٧ م
10 Comments:
انا بقى خلصت امتحانات وبدور على مشروع تخرج ونفسى الاقى فكره بقى واخلص ..انا خلصت تالته وداخل رابعه ..كلما ما افتكر ان الواحد هيبقى فى رابعه اموت من الرعب ..الواحد كبر بسرعه قوى يا اخى
الجمعة, ٢٣ يونيو, ٢٠٠٦
إسمع كلامي و حاول تشوف مكان حلو تستجم فيه و ماتعملش زيي ,,, أنا عملت اللي بتقول عليه و بقالي أكتر من 9 سنين ما صيفتش و لا أخدت أجازة عدلة لحد ما بدأت ألاحظ إنحرافات معيارية في دماغي أثرت على العقل اللاواعي في البطن العقلي مسببة إنهيارات في الجمجمة الداخلية و ... لأ كدة أنا بهفلط .
لأ إلحق نفسك و خد أجازة حلوة قبل ما تبقى كدة إنت كمان (;
و مبروك التخرج
السبت, ٢٤ يونيو, ٢٠٠٦
شكرا يا جماعه على الاهتمام وأهلا بيك يا حاج أحمد وربنا يكون في عونك وفي عوننا كلنا.
فعلا الانسان في كبد, دايما فيه قلق ومافيش راحه !
وبالنسبه ليك يا عبده, أحسن مشروع تخرج تعمله هو نظام التشغيل بتاعك اللي اترفض قبل كدا , خليك وراهم وراهم وماتسيبهمش :) , حسبنا الله ونعم الوكيل.
وعاوز أعرف من الأخ علاء :
س سؤال , ايه الأعراض ( السلبيه ) اللي حصلتلك بالظبط لما ماخدتش أجازات ؟
س.ت سؤال تاني, بدأت الأعراض تحصلك بعد كام سنه ؟!
س.ت.ب. سؤال تاني برضه, هل حققت كل اللي انت كنت عاوزه ؟ يعني كام في الميه من الحاجات اللي انت عاوزها قدرت تحققها نتيجة عدم تضييع وقتك في الأجازات ؟
س.أ سؤال أخير ( أو سؤال أهطل :) ) لو رجع بيك الزمن لورا كنت برضه مش هتاخد أجازات ولا كلام من دا علشان الحاجات اللي انت كنت عاوز تعملها كانت بتطلب وقت كبير وماكانش ينفع غير كدا ولا كنت هتدلع نفسك ؟!
السبت, ٢٤ يونيو, ٢٠٠٦
بص يا سيدي :
الأعراض كتيرة لكن أسؤها العصبية لأنك هاتبقى عصبي جدا فوق ما تتخيل , تركيزك هايقل جدا و بالتالي هاتبتدي تنسى كتير , و النوع ده من النسيان مش زهايمر زي ما ناس كتير فاكرة , ده قلة تركيز لأن تفكيرك مشوش ,ده غير بقى الكرش و ده لوحده حكاية أبقى أقولك عليها بعدين , دي أهم الأعراض.
أما بالنسبة لإمتى هاتبدأ الأعراض في الظهور فدي بترجع لشخصيتك , يعني لو من النوع الصلب فممكن تبتدي بعد فترة طويلة , لكن لو أعصابك خفيفة فهتظهر في فترة صغيرة جدا .
أما بقى هل حققت كل اللي أنا عاوزه و اللي علشان تخليت عن الأجازات فلأ , ما حققتش كل اللي عاوزه و عدم أخذ الأجازة ما ساعدش في أي حاجة لأني بدأت أضيع وقت كبير في عدم التركيز
أما بقى لو رجع الزمن لورا فمش هاعمل أكتر من اللي ربنا كتبهولي و إن كنت أتمنى إني آخد أجازة,
و بحاول فعلا اليومين دول إني أخد أجازة و لو كام يوم
و نصيحتي ليك
إستمتع بوقتك قبل ما كرشك يكبر و ما تعرفش تتحرك
الأحد, ٢٥ يونيو, ٢٠٠٦
ياااه الكرش الكرش الكرش !
أنا الحمد لله كان وزني 97 وخسيت وبأيت دلوقتي حوالي 75 !! بس كنت ماشي على نظام غذائي يعني مش خسيت لوحدي كدا
مش عارف والله يا حاج علاء , كلامك خلاني أقلق شويه !
أنا ماشي بنظرية , افضل اشتغل أشتغل أشتغل لغاية لما يطلع اكسبتشن
Life.DeathException
System.MustMustMuStSleepException
System.UnexpectedException
and so on !
ومش عامل كاتش للاكسبشنز دي , يعني بخلي الران تايم بتاعة الحياه هي اللي تتعامل معاها لأن كلها غير اراديه
بس انت عموما انت كلامك منطقي جدا , وكمان جه نتيجه لتجربه وده بيخليه مهم
المشكله بس الموجوده دلوقتي هي ان الواحد بيلائي صعوبه انه يدخل في المود تاني بعد مابيرجع من أجازه أو راحه أو كدا , لأن النفس بطبيعتها بتحب الراحه. حتى مثلا في أيام الامتحانات الواحد بيبعد البرمجه والتطوير والحاجات دي علشان يهتم بالمواد بتاعته وبعد ما الامتحانات تخلص الواحد بيلائي صعوبه وهو راجع تاني وعلى الأقل بأضيع يومين في محاولة الرجوع لنفس معدل الأداء اللي انا كنت عليه قبل الامتحانات فتخيل بأه كدا بالنسبه للامتاحات ! أمال لو خدت أجازه أو حاجه من دي, هعرف أدخل في المود تاني بعد أد ايه ؟!؟
الأحد, ٢٥ يونيو, ٢٠٠٦
75 كيلو ؟؟؟ يا بختك .... أنا نفسسسسسسي أخس و مش عارف و عمال أزيد أزيد أزيد لحد ما ورمت ....
بس عموما لازم تريح شوية
حتى علشان تفضي الـ Managed Heap و تخلي الـ Garbage Collector يخش بالعافية يفضي الحاجات الكتير اللي زاحمة دماغك , و ده مابيجيش غير لما تعمل Despose للشغل ..
أما بالنسبة لموضوع الدخول في المود من تاني فأنا معاك إنها بتبقى تقيلة شوية في الأول بس ما تقلقش ... هاترجع بسرعه ...
أسيبك بقى علشان ألحق أستمتع بآخر ساعات ليا في الأجازة (:
الاثنين, ٢٦ يونيو, ٢٠٠٦
متشكر جدا يا عم علاء على النصيحه والحوار.
أنا مستني لغاية لما أشوف حوارات الجيش والخ وبعد كدا ان شاء الله بفكر بجديه ان أنا أقيم في الاسكندريه واشتغل هناك , ونبأه ضربنا عصفورين بحجر ! مصيف وشغل
ربنا يسهل
الثلاثاء, ٢٧ يونيو, ٢٠٠٦
العفو عليه إيه
بس بالنسبة لموضوع إسكندرية ده لو لاقيت فيها شغلانة حلة إبقى إفتكر أخوك أحسن أنا مجنون إسكندرية
و ربنا يوفقك
الثلاثاء, ٢٧ يونيو, ٢٠٠٦
باذن الله يا علاء بس انا الائي الأول ,, الشغل الحلو معظمه في القاهره للأسف حيث الحر والزحمه والتوهان !
الثلاثاء, ٢٧ يونيو, ٢٠٠٦
الله يبارك فيك يا عم محمود
السبت, ٠٥ أغسطس, ٢٠٠٦
إرسال تعليق
<< Home