Egypt

تلاتين في الماية من الأسر المصرية تعيش في حجرة واحدة بمتوسط 7 أشخاص في الغرفة الواحدة.
نسبة الأمية حوالي خمسين في الماية عند الأشخاص فوق الأربعه وعشرين سنة. يعني نص الشعب لا يعرف القراءة ولا الكتابة.

Bachelor's Degree.

السلام عليكم ورحمة الله وبركاته.

الحمد لله ذهبت اليوم لرؤية النتيجه التي ظهرت منذ 3 أو 4 أيام, ونجحت بفضل الله, فالحمد له والشكر, وبهذا حصلت على باكيلوريوس نظم معلومات اداريه.

هذه هي درجاتي في الفرقه الرابعه :

شبكات وأمن المعلومات , امتياز
ادارة المؤسسات الماليه , امتياز
دراسات محاسبيه , امتياز
نظم معلومات محاسبيه , جيد جدا
محاسبه اداريه , جيد جدا
تطبيقات الحاسب الخاصه بالتقارير , جيد جدا
نظم دعم القرار , جيد
دراسة الجدوى الاقتصاديه للمشروعات , جيد
ادارة الأفراد , مقبول
__________________
التقدير العام في الفرقه الرابعه , جيد جدا.

لكن للأسف التقدير العام للباكيلوريوس بيكون تراكمي وليس على حسب التقدير العام للفرقه الرابعه فقط :(

التقدير العام للباكيلوريوس, جيد.

التقدير العام لمشروع التخرج, امتياز (مشروع التعليم الاليكتروني لمادة الانترنت والشبكات).

الحمد لله على كل حال. أكثر شئ أسعدني هو تقدير مشروع التخرج "امتياز". وأكثر شئ أحزنني هو تذكري بانه مازال يوجد قصور وكسل رهيب في عملية تقدير وتقييم أداء الطلاب , فأنا مثلا في مادة ادارة المؤسسات الماليه لا أستحق الا "مقبول" أو أقصى شئ "جيد", بالرغم من اني حصلت على "امتياز" ! والعكس في مادة ادراة الأفراد فأنا أستحق شيئا أفضل من "امتياز" بالرغم من اني حصلت على "مقبول" ! دائما في الدول الناميه تجد غموض وأسئله كثيره لا تجد اجابات لها, فالدول الناميه ممتلئه بعلامات التعجب والدهشه تفوق أحيانا نسبة الأوكسجين في الجو.

دكتور واحد هو الذي يدرس لنا المادتين على ما أذكر, ربما يكون قد عكس النتيجه؟! ولكن لن أشغل نفسي بعمل تظلمات والخ فأنا أعرف نفسي وقدراتي وتقديري الحقيقي أكثر من الدكتور. كما انه لو تم عكس الدرجات وتصحيحها لن يؤثر هذا على التقدير العام.

وعلى كل حال لن أجعل علامات التعجب التي أراها تملأ الجو تمنعني من فرحة ورقصة النجاح :)

وها هي انتهت محطه علميه من محطات الحياه وباذن الله قريبا بعد أن أرى موقفي من التجنيد ان شاء الله سابدأ في التحضير لمحطه علميه تاليه ,ماجستير في ادراة الاعمال, هذا بجانب العمل طبعا. والمفاجأه هنا هي أنني ان شاء الله سأتخصص في ادارة الأفراد, نعم هي نفسها موضوع الماده التي حصلت فيها على "مقبول" :)

أتمنى التوفيق لكل اخواني الحقيقيين والاليكترونيين :)

My Family is Everywhere !

لا أدري ماذا حل بموقع منتدى الفريق العربي 2000 ( ArabTeam2000-forum.com ) ! دخلت منذ دقائق لزيارته ولكنه لم يفتح وتم تحويلي أوتوماتيكيا لموقع MyFamily.Com !



الغريب في الأمر أنني بعدها دخلت على موقع ArabDevs.Com وأيضا لم يفتح وتم تحويلي الى MyFamily.Com !

أنا خايف أفتح البلوج بتاعي بعد كدا الائي نفسي برضه في MyFamily.Com !


// تعديل
ازاي كدااا ؟!؟!؟! أنا فتحت GoDaddy.Com وبرضه اتحولت على موقع MyFamily.COM !! ومواقع تانيه كتير جدا بفتحها يطلعلي MyFamily.COM !!! ازاي كدا ؟! لو عندي Adware ولا حاجات من دي اللي بتستولى على الانترنت اكسبلورر كان هيخلي كل المواقع اللي أفتحها تحولني على الموقع اللي هو عاوزه انما فيه مواقع عادي بتفتح دليل ان انا فاتح BlogSpot.Com و Blogger أهوه !!! وجووجل وميكروسوفت وياهو والخ ومواقع تانيه كتيييييير بيفتحوا عادي جدا


// تعديل
الحمد لله جووجل بيفتح عادي , عملت شوية بحث وطلع الموضوع ده بسبب حاجه اسمها
!! DNS Poisoning !!
المهم أنا حمار في الشبكات وبالكاد أعرف DNS يعني ايه , ومصطلح "تسمم الـ DNS" ده أول مره أسمعه !! وقريت عنه دلوقتي ومافهمتش حاجه !

لو انت من الناس بتوع الشبكات , لو مافهاش غلاسه يعني اقرأ لنا كدا البتاع الموجود في العنوان ده وقولي ايه ده :
http://www.omnicron.com/~ford/dnspoison.html

دورت تاني ولأيت العنوان ده فيه واحد بيحاول يحل المشكله :
http://forums.whirlpool.net.au/forum-replies-archive.cfm/525554.html
قال فيها اني افتح ملف HOSTS ولا ايه وأتأكد ان بس الآي بي : 127.0.0.1 هو اللي موجود
رحت وفتحته من الوور باد
wordpad %systemroot%\system32\drivers\etc\hosts
ولأيت النتيجه ان الآي بي 127.0.0.1 بس هو اللي موجود يعني مافيش مشاكل

جربت أفتح المواقع تاني وبرضه المشكله موجوده !

لأيت أمر في نفس الموضوع بيعمل Flush , كتبته وجربت وبرضه نفس المشكله
IPCONFIG /FLUSHDNS

دخلت من الوندوز الاكس بي وبرضه فيه نفس المشكله !!

دخلت تاني على الوندوز سيرفر وجربت أفتح موقع عرب تيم 2000 وفتح معايا !! قلت يبأه بلا "تسمم الـ DNS " بلا كلام فارغ الحكايه كلها كانت عاوزه ريستارت وخلاص ياعم الحاج!! جيت أفتح موقع GoDaddy.Com لأيت انه فتحلي الزفت MyFamily.Com برضه !!! قلت ازاي كدا , فقمت قافل وفاتح تاني موقع عرب تيم 2000 لأيته ماطلعش صفحة MyFamily.Com لكن طلعلي صفحه مكتوب فيها بس:
Page Dosent exist
Dosent مكتوبه غلط ! انما هي طلعت كدا ! عملت Refresh للصفحه وبرضه نفس النظام !!
مش عارف الحقيقه أعمل ايه ؟!

// تعديل
دلوقتي أنا آعد أتصفح النت عادي, وكل المواقع فتحت وشغاله !! انما أموت وأعرف ايه سبب المشكله دي وايه موضوع الـ DNS Poisoning ده !!

شكلي هسيب البرمجه شويه كدا وأهتم شويه بموضوع الشبكات علشان أعزز معلوماتي شويه,, ماينفعش كدا ده الجهل وحششششش ... ياااعع .. المشكله مش في اني مش عارف يعني ايه DNS Poisoning , المشكله اني قرأت عنها ومافهمتش حاجه !

Yeah!

انتهت الاختبارات. الحمد لله عدت على خير وأظن ان اننا حليت كويس فيها !

وامبارح كانت المناقشه بتاعة مشروع التخرج , والحمد لله برضه عدت على خير وأظن ان أنا كنت كويس فيها

وبكدا أنا خلصت خلاص , وأنتظر النتيجه وان شاء الله أنجح وآخد البكالور السنه دي

كنت عامل حسابي ان أنا أنطلق وآخد رااااحه طويله تزيد عن اسبوعين بدون أي تفكير لا في آي تي ولا مستقبل ولا أي حاجه واستجم استجمام مستجم ! لكن برضه لسه مش عارف آخد الخطوه دي مع العلم ان أنا بقالي أكتر بكتير من ثلاث سنين لا غيرت جو ولا رحت مصايف ولا غيرت منظر ولا حاجه من دي ! فانا فعلا لا أذكر آخر مره رحت فيها مصيف أو رحله أو الخ كانت امتى أو كانت فين حتى ؟!

بدأت أشعر في السنوات الأخيره ان نظرية ان الواحد لما ياخد راحه ويستجم كل فتره بتساعده على أداء أعماله بصوره أفضل بأنها نظريه غير صحيحه وبدأت أشك في الاحصائيات التي تدعم ذلك وبدأت أشك في كلام الدكاتره حول المواضيع دي.

أدينا بنجرب ولو انفجرت ولا حاجه في يوم من الأيام هبأه أعلن واصرح بان النظريه بتاعة تغيير الجو دي طلعت صح علشان ماحدش يعمل زيي

// تعديل
أنا كاتب اني امبارح ناقشت مشروع التخرج ! وأنا أقصد بامبارح ده اللي هو يوم 17 , بعد المناقشه روحت نمت وبعدين صحيت وكتبت البوست ده وما خدتش بالي ان احنا كنا لسه في نفس اليوم

// تعديل آخر يوووووه
بس أنا فاكر ان أنا صحيت بعد الساعه 12 بالليل بكتير وبالتأكيد كتبت البوست ده ساعة لما التاريخ بأه 18 يعني كتبته فجر يوم 18 وعلشان كدا لما كنت بشير ليوم المناقشه قلت امبارح ! طيب ازاي Blogger ولا BlogSpot ده قايل ان أنا كتب البوست يوم 17 والساعه 10 وشوية كمان ؟

مش معقول يكون مش عامل حسابه في موضوع الفروق في التوقيت والحاجات دي !

دي حاجه تقرف ! الحياه بأت مليانه غموووض

كالعاده , فجأه , الامتحانات !

امتحاناتي ان شاء الله تبدأ يوم 14-5-2006 ( مبكر جدا جدا ! ) , المشكله أنني لا أذكر كيف كنت أستعد للامتحانات !.

عموما أيام الامتحانات تكون أيام غريبه دائما لا أشعر فيها لا بسعاده ولا بقلق ولا بتعب ولا بألم ( وكأني في غيبوبه أو في حلم ) ولكن أشعر في نهايتها ببعض الارهاق .

وفجأه , تنتهي فترة الامتحانات ... وبعدها بيوم أو يومين لا أذكر أنني كنت أمتحن أصلا .. وتستمر الحياه.

الـ Tablet PCs تنتشر في المدارس.

هناك صراع دائم في العالم منذ ظهور أجهزة الكمبيوتر حتى الآن حول السؤال العجيب "هل سيستبدل الكمبيوتر كل الورق الموجود في حياتنا ؟" طبعا المقصود بالكمبيوتر هنا هو الكمبيوتر بجميع أشكاله الكبيره والصغيره والأجهزه المحموله في اليد.

والاجابه دائما ومنذ فتره كبيره تكون , "في الوقع ليس بعد , ربما في الفتره المقبله ",, وها نحن أصبحنا في الفترات المقبله ولكن مازالت الأوراق في كل مكان ولا يستطيع أى شخص الاستغناء عنها , ومازالت الاجابه على ذلك السؤال ... "ليس بعد ربما في الفتره المقبله".
منذ فتره , وأنا أتجول فوق الانترنت ! رأيت أكثر من موضوع يتحدث عن طريقه جديده لادارة الفصول في المدارس بالاعتماد على الأجهزه ( الكمبيوتر في الغالب ! ) والحقيقه اندهشت عندما وجدتهم جربوا وطبقوا هذه الطرق الجديده في بعض المدارس والجامعات في أوروبا وأميركا.

من موقع Channel9 , رأيت فيديو قد صوروه من جامعة واشنطن , واندهشت حقيقة عندما وجدت كل هذه الكميه الهائله من الـ Tablet PCs في قاعة المحاضرات , فكل طالب أمامه Tablet PC خاص به وبالطبع المحاضر نفسه لم ينسوه.
كل الأجهزه متصله بجهاز المحاضر ( وربما أيضا ببعضها البعض ) وتتيح وتوفر التفاعل بين الطلاب والمحاضر بطريقه غير الطريقه المعتاد عليها والتي تجبر كل من يريد أن يناقش شئ بأن يرفع يده وينتظر اشارة المحاضر له بالوقوف .. والخ , فبكل سهوله وانت في مكانك تكتب ما تريد وترسله لجهاز المحاضر. وهذه الطريقه أيضا تقضي على مشكلة الخجل , لأننا لا ننكر أنه يوجد الكثير من الطلاب الخجولين وخجلهم هذا يقضي على الابداع والمشاركه , فيخاف أو يخجل الكثير منهم بل ويشعرون بالارتباك عندما يقفون في قاعة محاضرات ليتحدثوا عن شئ أو ليجاوبوا على شئ في الحين الذي ينظر اليهم كل الموجودين في القاعه.

أيضا لا داعي للأقلام ولا داعي لوجود ألوان وآلات حاسبه ولا داعي لهذه الأمور وانت في المحاضره , فكل شئ متوفر بمجرد تشغيل الـ Tablet PC ,, ويمكن الاستفاده من البرامج الخاصه بتكملة الكلمات عنك بمجرد كتابة بعض الحروف , وأيضا الأدوات الخاصه بتصحيح الأخطاء ,, ويمكن الاستفاده من القواميس والخ , ولن يواجه المدرسين أى مشاكل في قراءة ما يكتبه الطلاب بسبب سوء الخط والأخطاء الاملائيه !

وطبعا اذا كنت في محاضره خاصه بالعلوم أو بالرياضيات , فلا داعي للقلق حول كتابة الرموز الرياضيه والعلميه ومشاكل كتابة المعادلات , فيمكنك استخدام خط يدك حينئذ , وكل الـ Tablet PCs أعتقد انها تدعم ذلك.

هذه بعض الصور , التقطها من مقطع فيديو كنت قد حملته من موقع Channel9 ... وهى قاعة محاضرات في جامعة واشنطن :

الأمر لم يقتصر على الجامعات فقط , فقد رأيت في موقع on10 فيديو آخر يتحدث عن هذا الأمر , ولكن في المدارس العاديه وليس في الجامعات , وفي المدرسه ( يجب ) على كل طالب\طالبه أن يأتي الى المدرسه وهو معه الـ Tablet PC الخاص به ( بخلاف جامعة واشنطن فقاعة المحاضرات هناك تكون مجهزه بالأجهزه ) ووجدوا أن الطلاب بالرغم من صغر أعمارهم الا أنهم يستخدمون الأجهزه بشكل ممتاز ويستمتعون بذلك.

هذه بعض الصور من مدرسه في واشنطن , أيضا التقطتها من فيديو قد حملته من موقع on10:

المفروض أن أنهي الموضوع الآن فكل موضوع يجب أن يكون له خاتمه , ولكن لا أريد ان أنهي الموضوع بمقارنة بين التعليم والفصول في مدارسنا الموجوده في العالم العربي بالأخرى الموجوده في ( العالم الآخر ) لأن العقل تعب من كثرة الكلام والقراءه والتفكير في الواقع الأليم الذي نعيشه ولا داعي بأن أسأل " ياترى متى سنرى المدارس بهذا الشكل في العالم العربي ؟ " ... لا داعي لاداعي .. فمازالت بعض المدارس في مصر آيله للسقوط ومازالت بعض الفصول بدون سقف يذكر ( فصول صيفي يعني ) ومازالت الكثير جدا من الفصول المصممه بأن تحتوي على عشرين أو ثلاثين طالب على الأكثر ... يجلس بها أكثر من سبعين ! ومازال الضرب والاهانه يعاني منه الكثير من الطلاب في المرحله الابتدائيه والاعدادايه ومازال الطلاب يذهبون الى المدرسه وهم يحملون أطنان من الكتب فوق ظهورهم ( وياريته بينفع ) ومازالت ادارة الكثير جدا من المدارس تغلق المعامل وخصوصا حجرة الكمبيوتر باستخدام آخر ما توصل اليه العلم من الأقفال والأسلاك الشائكه لأن الأشياء الموجوده بها عهده , وممكن أحد الطلاب يخربها بدون أن يدري ! وساعتها تبأه مصيبه ! , وكل ذلك هنا في الوقت نفسه الذي يفكر فيه ( العالم الآخر ) في كيفية مساعدة الطلاب الخجولين وكيفية توفير طرق لجعل التعليم ممتع ( أقصد أكثر امتاعا ) ... ممتلئ بالـ Multimedia ولذيذ و ( مفيد ) على الأقل !

برنامج تدريب الشباب !

Youth! Program!

زي مانت شايف في الصوره , ( الشباب !! ) المصري اللي فوق الخمسين سنه بيتدرب على الكمبيوتر ! الصوره جيبها من موقع ميكروسوفت مصر , وأعتقد أنه كان هيبأه من المسخره أكتر انهم يقولوا على البرنامج التدريبي ده ... برنامج تدريب الأشبال ! أو برنامج تدريب الكوادر الصغيره ! بدل مايسموه برنامج تدريب الشباب !

لا يوجد للأسف هناك صور أخرى توضح لنا كم هي فعلا نسبة ( الشباب ! ) الموجود في برنامج تدريب ( الشباب ! ) ... فـ الواسطه واضح انها موجوده موجوده وواضح أنه أصبح عندها الاماكنيات ( ما شاء الله ) انها تدخل ناس عندها 60 سنه في برنامج لتدريب الشباب !

ياريت الشركات أمثال ميكروسوفت وخلافه ( تكبر دماغها ) من موضوع برامج التدريب والمنح وهذه الأشياء ,, فهى تكلفهم ( فلوس وقلق ) على الفاضي , لا يوجد من يريد الفهم ولا يوجد من يريد التعلم , لو عاوزين يعملوا منح يبأه المفروض هم اللي يتولوا العمليه الاداريه وليس فقط المناهج أو المعامل وأيضا بجانب تولي عملية الرقابه وتقييم الأداء, انما أى حاجه بتدخل فيها الحكومه ( بتبأه حاجه تقرف )... ومش محتاج أقول.

http://www.microsoft.com/middleeast/egypt/press/presspage.aspx?include=/middleeast/egypt/press/2006/trainingcenters.htm